2022, ജൂൺ 28, ചൊവ്വാഴ്ച

പെണ്ണ്

  ലിംഗനിർണയം നടത്താനാവാതെ 

ഭ്രൂണഹത്യയിൽ ഒടുങ്ങാതെ പിറന്ന പെണ്ണ് 


കാലം ആണത്തം വെച്ച് നീട്ടിയപ്പോൾ 

ഉള്ളിൽ ഉച്ചത്തിൽ പൊട്ടിക്കരഞ്ഞ പെണ്ണ് 


അവൾ പെണ്ണായി എന്നൊരിക്കൽ മാത്രം കേട്ട

ആണായി ജീവിച്ച പെണ്ണ് 


പ്രാരാബ്ധഭണ്ടാരം ശിരസ്സിലേറ്റി സ്വയം 

കരുത്താർജ്ജിച്ചു ജീവിച്ച പെണ്ണ് 


എടിയെന്ന് വിളി കേൾക്കാൻ മോഹിച്ചപ്പോളൊക്കെ 

എടാ വിളിയിൽ തകർന്ന പെണ്ണ് 


പെണ്ണാവാൻ മോഹിച്ചവൾ പക്ഷെ 

പെണ്ണായി മാത്രം ജീവിക്കാത്തവൾ 


ഇന്നവൾ ശിരസ്സുയർത്തി നാണം മറന്നു 

പുരുഷത്വം കൈക്കൊണ്ടു മെല്ലെ മെല്ലെ 


പെണ്ണല്ല ഞാൻ എന്നുറക്കെ പറഞ്ഞ് 

ഉള്ളിലെ പെണ്ണിനെ ഹോമിച്ചവൾ  

3 അഭിപ്രായങ്ങൾ:

വന്നതല്ലേ വല്ലതുമൊന്ന് എഴുതീട്ട്‌ പോക്കൂടെ ...ചിലപ്പോള്‍ ഞാന്‍ നന്നായേക്കും ...